Аз рӯи пурсишҳои гузаронидашудаи 5000 ширкатҳои Россия дар аввали моҳи феврал муайян гардид, ки соҳибкорони хурду миёна то ҳол ба мушкилиҳои ҷиддӣ дучор гардида истодаанд. Дар аввали соли 2021 бо назардошти коҳишёбии ҳаҷми даромад ва кам гардидани талабот, маоши кормандон поин рафт.

Раиси Ҷумҳурии Халқии Хитой дар ҷаласа бахшида ба дастовардҳо дар самти камбизоатӣ изҳор намуд, ки дар давоми ҳашт соли охир 99 млн. нафар сокинони деҳот, 832 воҳиди ҳудуди маъмурӣ ва 128 ҳазор деҳа аз рӯйхати минтақаҳои камбизоат бароварда шудаанд. Ҳукумати Хитой барои мубориза дар ин самт тақрибан 246 млрд. доллар сарф намудааст.

Қарзи давлатии Федератсияи Россия дар соли 2020-ум 73,1 млрд. доллар зиёд шуда, ба 255,8 млрд. доллар баробар гардид, ки ин 17,8 фоизи ММД-и кишварро ташкил медиҳад.

Ҳамзамон қарзи дохилӣ 62,3 млрд. доллар ё 45,4 фоиз афзоиш ёфта, 199 млрд. долларро ташкил дод. Қарзи хориҷӣ 1,9 млрд. доллар ё 3,5 фоиз зиёд гардида, ба 56,8 млрд. доллар расид.