Тибқи маълумоти савдои биржавӣ, нархи тилло дар шароити болоравии қурби доллар ва даромаднокии вомбаргҳои давлатии ИМА коҳиш ёфта истодааст.

Нархи фючерси тилло дар биржаи Комекс (Comex) 0,82 фоиз ё 14,3 доллар коҳиш ёфта, арзиши 1 унсияи троянии тилло ба 1743,7 доллар баробар шуд. Нархи нуқра бошад 1,1 фоиз ё 25,3 доллар коҳиш ёфтааст.

Индекси доллар ба андозаи 0,2 фоиз боло рафт.

Дар Гузориши апрелии ОПЕК қайд гардидааст, ки бо назардошти барқароршавии иқтисодиёти ҷаҳон ва эмгузаронии аҳолӣ талаботи ҷаҳонӣ ба нафт 6 млн. баррел дар як шабонарӯз афзоиш ёфта, то охири соли 2021 ба 96,5 млн. баррел дар як шабонарӯз мерасад.

Аз рӯи пурсишҳои гузаронидашудаи 5000 ширкатҳои Россия дар аввали моҳи феврал муайян гардид, ки соҳибкорони хурду миёна то ҳол ба мушкилиҳои ҷиддӣ дучор гардида истодаанд. Дар аввали соли 2021 бо назардошти коҳишёбии ҳаҷми даромад ва кам гардидани талабот, маоши кормандон поин рафт.