Афзоиши рекордии нархи Биткоин

.

Тибқи маълумоти портали Коин Маркет Кеп (CoinMarketCap) нархи як Биткойн ба 44000 доллар баробар гардида, ба сатҳи рекордӣ расид. Сабаби асосии он сармоягузории ширкати Тесла (Tesla) ба ин намуд асъор ба миқдори 1,5 млрд. доллар мебошад.

Бозори криптоасъор дар маҷмӯъ тамоюли болоравӣ дорад. Ҳаҷми умумии сармояи бозори криптоасъор дар ин давра ба 1,3 трлн. доллар расидааст.

Дастгирии давлатӣ барои бартараф намудани таъсири коронавируси COVID-19 дар ИМА

.

Президенти ИМА ва вазири молияи ИМА бо як қатор роҳбарони ширкатҳои амрикоӣ маҷмӯи тадбирҳоро оид ба дастгирии иқтисодиёт баррасӣ намуданд. Ҳаҷми барномаи дастгирии давлатӣ 1,9 трлн. долларро ташкил медиҳад.

Тибқи нақшаи пешниҳоднамудаи Президенти ИМА ба ҳар як шаҳрванди кишвар пардохтҳои мустақим ба андозаи 1,4 ҳазор доллар пешбинӣ мешавад (дар ҳолате, ки шаҳрванд дар соли 2020 андоз пардохт карда бошад).

Мувофиқи нақша ба роҳбарони штатҳо ва мақомоти маҳаллӣ 350 млрд. доллар дода мешавад. Барои гузаронидани озмоиш ва эмгузаронӣ бар зидди коронавирус 70 млрд. доллар ҷудо карда мешавад.

Қирғизистон метавонад содироти чорворо манъ кунад

.

Тибқи маълумоти Агентии давлатии танзими зиддиинҳисории назди Ҳукумати Қирғизистон маҳдудиятҳои қаблан ҷорикардаи Қазоқистон ба зиёд шудани содироти ҳайвонот аз Қирғизистон ба Ӯзбекистон ва Тоҷикистон боис гардид. Қазоқистон бо мақсади пешгирии болорави нархи гӯшт дар кишвар ба содироти он маҳдудият ҷорӣ намуд, ки дар натиҷа Ӯзбекистон ва Тоҷикистон ҳаҷми хариди чорвои калонро аз Қирғизистон зиёд намуданд. Дар натиҷа аз фурсати муносиб истифода намуда, бисёре аз фурӯшандагон нархҳоро дар Қирғизистон баланд карданд. Аз ин лиҳоз эҳтимол меравад, ки аз ҷониби Қирғизистон низ барои содирот намудани чорвои калон маҳдудият ҷорӣ карда шавад.

обзоры автоновинок kaps4karing.com
село ремонтное