Рӯзи 16 ноябри соли 2021 ҷаласаи 16-уми Гурӯҳи кории СПЕКА оид ба савдо бо иштироки намояндагони кишварҳои Озарбойҷон, Қазоқистон, Қирғизистон, Тоҷикистон, Туркманистон ва Ӯзбекистон, инчунин намояндагон аз созмонҳои бонуфузи байналмилалӣ дар шаҳри Тошканд баргузор гардид, ки чорабиниро роҳбари ҳайати кишвар, Муовини вазири рушди иқтисод ва савдо Абдураҳмонзода Абдураҳмон Сафаралӣ раисӣ намуд.

Рӯзи 16 ноябри соли 2021 дар Вазорати рушди иқтисод ва савдо ҳамоиши тантанавии ҳайати кормандони вазорат ва зерсохторони он ба муносибати Рӯзи Президенти Ҷумҳурии Тоҷикистон баргузор гардид. Ҳамоишро Вазири рушди иқтисод ва савдо Завқизода Завқӣ Амин ифтитоҳ карда, ҳозиринро аз номи роҳбарияти вазорат ба ифтихори Рӯзи Президенти Ҷумҳурии Тоҷикистон табрику муборакбод намуда, қайд кард, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар замони соҳибистиқлолии кишвар корнамоиҳои бузурги иқтисодӣ нишон доданд ва барои рушди босуботи соҳаҳои иқтисоди миллӣ, сохтмону таҷдиди инфрасохтори нақлиётиву энергетикӣ, татбиқи ислоҳоти фарогир ва баланд бардоштани сатҳӯ сифати зиндагии мардуми кишвар ба дастовардҳои назаррас ноил гардидем.

15 ноябри соли 2021 Вазорати рушди иқтисод ва савдо дар ҳамкорӣ бо Кумитаи ҳифзи муҳити зисти назди Ҳукумати Ҷумҳурии Тоҷикистон ҷаласаи нахустини Гуруҳи кории байниидоравӣ “Ҳифзи муҳити зист, ҳолатҳои фавқулодда ва тағирёбии иқлим" -ро дар доираи Шӯрои миллии рушди назди Президенти Ҷумҳурии Тоҷикистонро баргузор намуд.