Бофандагӣ
БОФАНДАГӢ – навъи мероси фархангии гайримоддии точикон, хунари бадеӣ, чараени технологии аз ресмон бофтани матоъ мебошад.
Абрешим, пашм, зағирпоя, канаб, пахта, ҷут ва ғайра ашёи хоми бофандагианд.
Бофандагӣ аз касбҳои қадима буда, дар давоми асрҳо аҳолии маҳаллӣ аз алоча, қаламӣ, суф, чит, карбос, матои хоса, дока ва ғайра истифода мебурданд.
Бофандагӣ дар Тоҷикистони тоинқилобӣ характери майдакосибӣ дошт. Ҷиҳози бофандагӣ – асосан ҳаллоҷӣ, чарх, дукон ва ғайра буд.
Ҳаллоҷӣ, чириқ, асбобест, ки бо он пахтаро аз чигит тоза мекарданд.
Дукон, дӯкон – дастгоҳи бофандагиест, ки дар он матоъҳои пахтагин, абрешимин ё пашмин мебофанд.
