Вохӯрии Неъматулло Ҳикматуллозода бо Ҳаҷиме Китаока

Имрӯз дар Вазорати рушди иқтисод ва савдо вохӯрии Вазир, Неъматулло Ҳикматуллозода бо Сафири Фавқулодда ва Мухтори Ҷопон дар Ҷумҳурии Тоҷикистон, ҷаноби Ҳаҷиме Китаока баргузор гардид.

Зимни мулоқот ҷонибҳо атрофи баргузории ҷаласаи якуми Комиссияи байниҳукуматии Тоҷикистону Ҷопон, рушди ҳамкории тиҷоративу иқтисодӣ, бахши хусусӣ, ҷалби сармоягузорӣ, инчунин омодагӣ барои ба сатҳи ҷадид баровардани муносибатҳои дуҷониба миёни Тоҷикистону Ҷопон мубодилаи афкор намуданд. 

Дар анҷоми вохӯрӣ ҷонибҳо азми қавии худро ҷиҳати густариши минбаъдаи ҳамкориҳо байни Тоҷикистон ва Ҷопон баён доштанд.