Таҷлили Рӯзи Модар дар Вазорат
Дар Вазорати рушди иқтисод ва савдо бахшида ба Рӯзи Модар ҷаласаи тантанавӣ бо иштироки роҳбарият, кормандони Дастгоҳи марказӣ ва муассисаҳои тобеъ баргузор гардид.
Ҷамъомадро бо сухани табрикӣ Вазири рушди иқтисод ва савдо Неъматулло Ҳикматуллозода ифтитоҳ карда, иброз доштанд, ки бо ибтикори Асосгузори сулҳу Ваҳдати миллӣ- Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷашни расмии давлатӣ эълон шудани Рӯзи модар дар кишварамон гувоҳи равшани мақому манзалати баланди бонувон дар ҷомеаи мо мебошад.
Сипас, Вазир саҳми арзандаи занонро дар тамоми ҷанбаҳои ҳаёт, аз ҷумла дар рушди иҷтимоию иқтисодии кишвар таъкид намуданд.
Бонувони Вазоратро ба ин рӯзи фархунда ҳамчунин сардори Раёсати таҳияи барномаҳои давлатии сармоягузорӣ ва маблағгузориҳои мутамарказ А.Нурализода ва сардори Раёсати дурнамои макроиқтисодӣ ва муносибатҳои молиявӣ Ф.Восидов табрик карданд.
Дар интиҳои ҷамъомад ба як зумра бонувони фаъоли Вазорат ифтихорномаҳо тақдим карда шуд.
