Вохӯрии Вазир бо сафири Ҳиндустон

24 декабри соли 2015 мулоқоти Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода бо Сафири фавқулода ва мухтори Ҷумҳурии Ҳиндустон ҷаноби Бираҷа Прасад баргузор гардид. 

Дар ҷараёни мулоқот ба рушди муносибатҳои дуҷониба баҳои баланд дода шуд. Инчунин, роҷеъ ба доираи васеи ҳамкориҳои гуногунҷанба байни Тоҷикистон ва Ҳиндустон, аз ҷумла дар соҳаҳои тиҷорату иқтисод, энергетика, нақлиёт, коммуникатсия, кишоварзӣ, фарҳанг, маориф ва илм, саноат ва технологияҳои нав ва дорусозӣ мубодилаи афкор сурат гирифт. 

Дар анҷоми мулоқот ҷонибҳо вобаста ба баргузории ҷаласи 8-уми Комиссияи байниҳукуматӣ дар соҳаҳои тиҷорат, иқтисодиёт, илм ва техника табодули назар карданд.