Конфронси байналмилалии илмӣ-амалӣ «Ченкунӣ ва мониторинги камбизоатӣ»
12 декабри соли 2014 дар шаҳри Душанбе (х.Рӯдакӣ 14, меҳмонхонаи СЕРЕНА, ошёнаи 2) конфронси байналмилалии илмӣ-амалӣ доир ба мавзӯи “Ченкунӣ ва мониторинги камбизоатӣ” баргузор мегардад.
Баргузории Конфронс бо ташаббуси “Шӯро оид ба муайян намудани сатҳи камбизоатӣ ва табақаи миёнаи аҳолӣ дар Тоҷикистон” сурат мегирад. Чорабинии мазкур аз ҷониби Вазорати рушди иқтисод ва савдои Ҷумҳурии Тоҷикистон ва намояндагии Бонки Умумиҷаҳонӣ дар Тоҷикистон ташкил мешавад.
Мақсади ниҳоии конфронс таҳия намудани методологияи миллӣ оид ба ченкунӣ ва арзёбии сатҳи камбизоатӣ (табақаи миёнаи аҳолӣ) маҳсуб меёбад. Дар кори конфронс тамоми вазорату идораҳои дахлдор, шарикони рушд, инчунин коршиносони байналмилалию дохилӣ, ташкилотҳои тиҷоратӣ ва ҷамъиятӣ даъват карда мешаванд.
