Мулоқот бо ҳайати намояндагони Иттиҳоди Аврупо

Имрӯз дар Вазорати рушди иқтисод ва савдои Ҷумҳурии Тоҷикистон вохӯрии Вазири рушди иқтисод ва савдо, Шариф Раҳимзода бо ҳайати намояндагони Иттиҳоди Аврупо, ки таҳти роҳбарии хонум, Риина Кионка Рохбари бахши Осиёи Марказии Хадамоти Аврупо оид ба амалиёти беруна ба Тоҷикистон ташриф овардаанд, доир гардид.

Дар рафти мулоқот бо Рохбари бахши Осиёи Марказии Хадамоти Аврупо оид ба амалиёти беруна хонум, Риина Кионка атрофи нақшаю барномаҳо ва татбиқи лоиҳаҳо аз ҷониби Иттиҳоди Аврупо дар бахшҳои иқтисод ва тиҷорат, энергетика, рушди соҳаҳои воқеии иқтисод ва дигар самтҳои иқтисодию иҷтимоӣ мубодилаи афкори судманд сурат гирифт.

Ҳамчунин, дар ҷараёни мулоқот самтҳои дигари ҳамкориҳои иқтисодии барои тарафайн судманд мавриди арзёбӣ қарор гирифта, ба омодагиҳо ҷиҳати баргузории Ҷаласаи сеюми Кумита оид ба ҳамкорӣ байни Иттиҳоди Аврупо ва Ҷумҳурии Тоҷикистон, таваҷҷӯҳи бештар дода шуд.