Вохӯрӣ бо Намояндаи доимии БРСММ

Имрӯз дар Вазорати рушди иқтисод ва савдо, вохӯрии Вазир, Шариф Раҳимзода бо Ҳамоҳангсози Созмони Милали Муттаҳид, Намояндаи доимии Барномаи рушди ин созмон дар Тоҷикистон, ҷаноби Александр Зуев сурат гирифт.

Шариф Раҳимзода аз ҳамкориҳои самарабахши соҳа миёни Ҷумҳурии Тоҷикистон ва ташкилотҳои бонуфузи СММ, мин ҷумла, Барномаи рушд изҳори қаноатмандӣ намуд.

Ҳамоҳангсози СММ, Намояндаи доимии БРСММ дар Тоҷикистон, ҷаноби Александр Зуев дар навбати худ бо арзи сипосу арҷмандӣ аз пазироӣ афзуд, ки баргузории чунин вохӯриҳо дар сатҳи баланд, бешак барои самаранок ва саривақт амалӣ гардидани лоиҳаҳои муштарак мусоидати фаъол хоҳанд кард.

Дар анҷоми вохӯрӣ ҷонибҳо атрофи масъалаҳои дигари мавриди таваҷҷӯҳ мубодилаи афкор намуданд.