Таҷлили 25-умин солгарди Конститутия дар Вазорат

Имрӯз дар Вазорати рушди иқтисод ва савдо бо иштироки роҳбарияти Вазорат, сардорони воҳидҳои сохторӣ ва кормандони Дастгоҳи марказӣ бахшида ба 25-умин солгарди қабули Конститутсияи Ҷумҳурии Тоҷикистон ҷамъомади тантанавӣ баргузор гардид.

Дар ҷамъомад муовини якуми Вазири рушди иқтисод ва савдо Завқизода Завқӣ Амин кормандонро ба ин санаи фархунда табрик намуда, мухтасар оид ба нақш ва мақоми Конститутсия дар ҳаёти ҷомеа, ҳуқуқ ва озодиҳое, ки тибқи он ба шаҳрвандони ҷумҳурӣ кафолат дода шудааст, ибрози назар намуд.

Кормандони Раёсати таъминоти ҳуқуқ моҳият ва муҳтавои Конститутсияи ҷумҳуриро тариқӣ рӯнамо муаррифӣ карда, нақши онро дар пешрафти ҳаёти иқтисодию иҷтимоии кишвар зикр намуданд.