Дурнамои Вазорати иқтисоди миллии Қазоқистон оид ба рушди иқтисодиёти кишвар дар соли 2019

Вазири иқтисоди миллии Ҷумҳурии Қазоқистон дар маҷлиси Ҳукумат оид ба дурнамои нишондиҳандаҳои макроиқтисодӣ барои соли 2019 изҳор намуд, ки иқтисодиёти кишвар дар соли 2019 дар сатҳи 3,8 фоиз афзоиш меёбад.

Дар моҳи январи соли ҷорӣ рушди иқтисодиёти кишвар 2,9 фоизро ташкил дод. Рушди иқтисодиёти кишвар дар ин давра аз ҳисоби рушди истеҳсоли молҳо ва бахши хизматрасониҳо таъмин гардид.

Тибқи баҳодиҳии Бонки Аврупоии таҷдид ва рушд (ЕБРР) рушди иқтисодиёти Қазоқистон дар соли 2019 нисбат ба соли гузашта то 0,6 фоиз суст гардида, 3,5 фоизро ташкил медиҳад.