Март 2019

Программа социально-экономического развития города Душанбе на 2025 г.

Подробности статьи

Программа социально-экономического развития города Душанбе на 2025 г.

Лукашенко ҷонибдори рубли нав дар Давлатҳои иттифоқ аст

Подробности статьи

«Вести.Экономика» иттилоъ медиҳад. ки Президенти Беларус пешниҳоди дар Давлатҳои иттифоқ ҷорӣ намудани асъори ягонаро ҷонибдорӣ мекунад, вале чунин асъор на рубли русӣ ва на рубли беларусӣ, балки рубли умуми бояд бошад.

Мавсуф изҳор намуд, ки аз ҷониби Президенти Федератсияи Россия ягон сухан оид ба дохил намудани Беларус ба ҳайати Федератсияи Россия набуд ва он чунин пешниҳодро нашунидааст, ҳеҷ гуна нияти ба ҳайати Федератсияи Россия дохил кардани Беларус вуҷуд надорад.

Сарвазири Федератсияи Россия пештар гуфта буд, ки Россия омода аст ҳамаи бандҳои шартномаро оид ба таъсиси Иттифоқи давлатҳои Россия ва Беларус аз соли 1999, аз ҷумла ташкили хадамоти гумруки ягона, суд ва Палатаи ҳисоб иҷро намояд.

Чунин сатҳи якҷояшавӣ имконият медиҳад, ки сиёсати андоз ва тарифӣ, сиёсати нархгузории ягона пеш бурда шавад.

Ҷумҳурии Ҳиндустон нақшаи ёрии пулии нақлиёти барқиро ҷонибдорӣ намуд

Подробности статьи

Агентии «Reuters» иттилоъ медиҳад, ки Ҳукумати Ҳиндустон нақшаи хароҷоти 1,4 млрд. доллари ИМА-ро барои ёрии пулии (субсидия) фурӯши воситаҳои нақлиёти барқӣ, барқ-дигар сузишвориҳо дар доираи таҳкими мубориза бо ифлосшавии муҳити зист ва кам кардани вобастагӣ аз намудҳои канданиҳои сузишворӣ тасдиқ намуд.

Тибқи изҳороти Ҳукумати Ҳиндустон ёрии пулӣ бо назардошти ҳаҷми аккумулятори воситаҳои нақлиёт аз автобусҳо ва мошинҳои сабукрав сар карда то нақлиёти сечарха ва мототсиклҳо пешбинӣ мегардад.

Ҳавасмандгардониҳо танҳо нисбат ба воситаҳои нақлиёти арзишашон камтар аз 1,5 млн. рупия (21,2 ҳазор доллар) қабул хоҳанд шуд.

Афзоиши сатҳи бекорӣ дар Ҷопон

Подробности статьи

Сатҳи бекорӣ дар Ҷопон дар моҳи январи соли 2019 бо назардошти тағйирёбии мавсимӣ нисбат ба моҳи декабри соли 2018-ум 0,1 банди фоизӣ афзоиш ёфта, 2,5 фоизро ташкил намуд.

Таносуби шумораи ҷойҳои холии корӣ ва корҷӯён дар моҳи январ дар сатхи 1,6 боқӣ монд, ки бо нишондиҳандаи дурнамо мувофиқ омад. Яъне, ба 100 корҷӯй 163 ҷойи кории холӣ рост омад.

Бекории аҳолӣ дар Ҷопон бо назардошти коҳишёбии қувваи корӣ аз ҳисоби пиршавии аҳолӣ дар сатҳи пасттарин дар давоми 26 сол боқӣ мемонад.

Ҷумҳурии Халқии Хитой нишондиҳандаи мақсадноки рушди иқтисодиётро дар соли 2019 паст кард

Подробности статьи

Раиси Шӯрои давлатии Ҷумҳурии Халқии Хитой дар маросими ифтитоҳи ҷаласаи вакилони халқии Хитой изҳор намуд, ки Ҳукумати кишвар нишондиҳандаи мақсадноки рушди иқтисодиётро дар соли 2019 то 6-6,5 фоиз кам кард.

Бо мақсади устувор нигоҳ доштани иқтисодиёти кишвар, Ҳукумат кам кардани андозҳоро барои ширкатҳо ба маблағи 2 трлн. юан (298,3 млрд. доллар) баъди 1,3 трлн. юан кам кардан дар соли гузашта, пешбинӣ менамоянд.

Инчунин Ҳукумати кишвар иқдом намудааст, ки дар соли ҷорӣ 11 млн. ҷойҳои нави корӣ дар шаҳрҳо ташкил намояд ва бекориро дар шаҳрҳо дар сатҳи 4,5 фоиз нигоҳ дорад.

Федератсияи Россия ҷиҳати таъмини гази моеъ дар Аврупо ҷойи аввалро ишғол намуд

Подробности статьи

Агентии «Reuters» тибқи маълумоти терминали «Refinitiv Eikon» иттилоъ дод, ки Федератсияи Россия дар моҳи феврал гази моеъро ба Аврупо дар ҳаҷми 1,4 млн. тонна ё 19 партия (ҳаҷми муайяни маҳсулот) интиқол намуд ва дар миёни як қатор интиқолкунандагони гази моеъ ҷойи аввалро ишғол намуд.

Зинаи дуюмро оид ба таъмини гази моеъ дар моҳи феврал бо ҳаҷми 1,3 млн. тонна ё 18 партия давлати Қатар ишғол намуд. Ҷумҳуриҳои Алҷир ва Нигерия ба Иттиҳоди Аврупо мутаносибан 18 ва 16 партиягӣ гази моеъ интиқол намуданд.

Интиқоли гази моеъ аз ИМА ҳамагӣ 0,6 млн. тонна ё 9 партияро ташкил намуд, ки то сатҳи пасттарини моҳи ноябри соли 2018 коҳиш ёфтааст.

G20: хатари бемориҳо ба рушди иқтисодиёти ҷаҳон

Подробности статьи

Мувофиқи иттилоъи «Вести.Экономика» бемориҳои ғайрисироятӣ (ба монанди фарбеҳшавӣ ва саратон) ва устуворӣ ба маводҳои дорувории зиддимикробӣ ба монанди тағйирёбии иқлим ба иқтисодиёти ҷаҳон хавфи назаррас мерасонад. Дар сурати пешгирӣ накардани масъалаи мазкур аз ҷониби давлатҳои аъзои G20 боздошти ин бемориҳо ғайриимкон мебошад.

 Ҳамкориҳои аъзои G 20 дар самти тандурустӣ ва рушд - иттиҳоди тиҷоратӣ, ширкатҳои ғайридавлатӣ ва академикӣ- дар ҳисоботи худ пешниҳод намуданд, ки аз ҳисоби бемориҳои ғайрисироятӣ фавти аҳолии ҷаҳон то соли 2030 ду баробар меафзояд.

Тибқи маълумоти Бонки Ҷаҳонӣ бемории пандемия то 1,0 фоизи ММД-и ҷаҳонро аз байн мебарад, ки ба таъсири хавфҳои афзалият дошта ба мисли тағйирёбии иқлим баробар аст.

Рушди босуръати иқтисодиёти Ҷумҳурии Халқии Хитой муҳимтар аз сулҳи тиҷоратӣ бо ИМА

Подробности статьи

Рушди босуръати иқтисодиёти Ҷумҳурии Халқии Хитой муҳимтар аз сулҳи тиҷоратӣ бо ИМА

Тибқи иттилои «Вести.Экономика» ҳамоҳангсози тадқиқоти иқтисодии «HSBC» дар минтақаи Осиё дар мусоҳиба бо телевизиони «CNBC» изҳор намуд, ки натиҷаи созишномаи тиҷоратӣ миёни ИМА ва Ҷумҳурии Халқии Хитой худ аз худ ба беҳтаршавии вазъи савдо ва бо суръат рушд ёфтани иқтисодиёти ҷаҳон оварда намерасонад.

Суръати рушди иқтисодиёт дар Аврупо ва дигар минтақаҳои ҷаҳон айни замон паст буда, нишондиҳандаҳои тиҷорати ҷаҳонӣ суст шуда истодааст.

Созишномаҳои тиҷоратии байни ИМА ва Хитой метавонад яке аз хавфҳоро бартараф намояд, вале ба беҳтаршавии вазъи иқтисодиёти ҷаҳон мусоидат намекунад.

Ҷамъомад бахшида ба Рӯзи Модар

Подробности статьи

Имрӯз дар Вазорати рушди иқтисод ва савдо бахшида ба Рӯзи Модар ҷаласаи тантанавӣ бо иштироки роҳбарият, кормандони Дастгоҳи марказӣ, муассисаҳои зертобеъ ва шоираи шинохтаи ҷумҳурӣ Нуқра Суннатиён баргузор гардид.

Шиносоӣ бо рафти корҳои ободонӣ ва кабудизоркунӣ дар шаҳри Душанбе

Подробности статьи

5 март Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе муҳтарам Рустами Эмомалӣ дар ноҳияҳои пойтахт бо рафти иҷрои дастуру супоришҳои Ҳукумати Ҷумҳурии Тоҷикистон, татбиқи амалии нишондодҳои Паёми Президенти Ҷумҳурии Тоҷикистон, аз ҷумла бо корҳои сохтмонӣ дар иншооти таъиноти гуногуни пойтахт, тадбирҳои бунёдкорию созандагӣ, кабудизоркунӣ, ниҳолшинонӣ, ҳифзи муҳити зист ва омодагӣ ба таҷлили ҷашни байналмилалии Наврӯз, шинос шуданд.