Дар ҷаласаи 7 – уми Кумитаи ҳамкории Ҷумҳурии Тоҷикистон ва Иттиҳоди Аврупо Барномаи нави 7 – сола барои маблағгузории соҳаҳои иқтисодиёти кишвар дастгирӣ ёфт
Бо мақсади густариши ҳамкориҳо бо Иттиҳоди Аврупо рӯзҳои 6-7 июни соли 2019 дар шаҳри Душанбе ҷаласаи 7-уми Кумитаи ҳамкории Ҷумҳурии Тоҷикистон ва Иттиҳоди Аврупо ва ҷаласаи 2 – юми Зеркумитаи ҳамкорӣ баргузор гардид.
Ба вазорату идораҳо ва мақомоти иҷроияи ҳокимияти давлатии вилоятҳо ва шаҳру ноҳияҳо
Эълон
Вазорати рушди иқтисод ва савдо ҷиҳати интихоб ва ворид намудани лоиҳаҳои давлатии сармоягузорӣ ба Барномаи давлатии сармоягузориҳо барои солҳои 2016-2020 озмун эълон менамояд.
Аз ин лиҳоз, лоиҳаҳои сармоягузориро тибқи талаботи Тартиби таҳияи лоиҳаҳои давлатии сармоягузорӣ ва амалӣ намудани Барномаи сармоягузориҳои давлатии Ҷумҳурии Тоҷикистон, ки бо қарори Ҳукумати Ҷумҳурии Тоҷикистон аз 27 марти соли 2018, №161 тасдиқ гардидааст, таҳия намуда, ба Вазорати рушди иқтисод ва савдо пешниҳод намоед.
Мӯҳлати пешниҳоди лоиҳаҳо то 1 августи соли 2019.
Телефон барои маълумоти иловагӣ: 221 33 42
Табрикоти Вазири рушди иқтисод ва савдо Неъматулло Ҳикматуллозода бахшида ба Рӯзи кормандони савдо, хизматрасонии маишӣ ва хоҷагии манзилию коммуналӣ
Ҳамкорони арҷманд!
Иҷозат фармоед ҳамаи Шуморо бо камоли эҳтиром аз номи роҳбарияти Вазорати рушди иқтисод ва савдо ва шахсан аз номи худам ба иди касбӣ- Рӯзи кормандони савдо, хизматрасонии маишӣ ва хоҷагии манзилию коммуналӣ, ки дар кишварамон ҳар сол рӯзи якшанбеи аввали моҳи июн таҷлил мегардад, самимона табрику таҳният намуда, дар фаъолияти кориатон пешравию комёбиҳо ва дар зиндагии шахсиатон бахту саодат орзумандам.
