Ҷоизасупории ғолибони мусобиқаи футбол дар Вазорат

Ба ифтихори эълон гардидани соли 2017 «Соли ҷавонон», инчунин дар арафаи таҷлил аз ҷашни Наврӯзи байналмилалӣ бо ибтикори Роҳбарияти Вазорати рушди иқтисод ва савдо мусобиқаҳои гуногуни варзишӣ, минҷумла футбол миёни воҳидҳои сохтории Дастгоҳи марказии Вазорат доир карда шуд.

Мусобиқаи футбол шурӯъ аз аввали моҳи марти соли ҷорӣ оғоз ёфта, дар интиҳои моҳи апрели соли равон ҷамъбаст гардид. Маросими ҷоизасупорӣ ба ғолибони мусобиқаи футбол бо иштироки Вазири рушди иқтисод ва савдои Ҷумҳурии Тоҷикистон Неъматулло Ҳикматуллозода 1 майи соли 2017 сурат гирифт. Ба ғолибони мусобиқа Ҷом ва дипломҳои дараҷаи 2 ва 3 тақдим гардид.

Қобили тазаккур аст, ки рӯзҳои наздик низ бахшида ба 20-умин солгарди Рӯзи Ваҳдати миллӣ чунин мусобиқаҳои варзишӣ гузаронида мешавад.