Мулоқот бо Абдуллоҳ Муҳаммад Ал- Бассомӣ

Имрӯзҳо шароити мусоид барои сармоягузорон ва соҳибкорон дар Ҷумҳурии Тоҷикистон муҳайё карда шудааст - афзуд Вазири рушди иқтисод ва савдо, Неъматулло Ҳикматуллозода дар мулоқот бо Раиси ширкати тиҷоратии Al-bassami Group Co., Абдуллоҳ Муҳаммад Ал- Бассомӣ.

Ҷалби ширкатҳои бузурги Арабистони Саудӣ дар татбиқи лоиҳаву барномаҳои ҳаётан муҳим, аз ҷумла энергетика, сохтмон, истихроҷ ва коркарди канданиҳои фоиданок, истеҳсол, коркард ва содироти маҳсулоти кишоварзӣ, рушди соҳаи туризм ва ғайра аз мавзӯъҳои меҳварӣ дар мулоқоти Н.Ҳикматуллозода ва Абдуллоҳ Муҳаммад Ал- Бассомӣ маҳсуб гардиданд.

Дар анҷом ҷонибҳо атрофи нақшаю тадбирҳои мутақобилан судманд ибрози назар намуданд.