Вохӯрии муовини Вазир бо Патрик Белсер

Имрӯз дар Вазорати рушди иқтисод ва савдои Ҷумҳурии Тоҷикистон вохӯрии муовини Вазир, Илёсиддин Камолиддинзода бо ҳайати коршиносони Созмони байналхалқии меҳнат, ки таҳти роҳбарии ҷаноби Патрик Белсер ба Душанбе ташриф оварданд, баргузор гардид.

Зимни мулоқот ҷонибҳо атрофи масъалаҳои рушди соҳаи иҷтимоӣ, раванди ислоҳоти музди меҳнат, инчунин қабули Стратегияи миллии рушди Ҷумҳурии Тоҷикистон барои давраи то соли 2030 мубодилаи афкор намуданд.

Дар интиҳои вохӯрӣ тарафҳо ҳавасмандии худро ҷиҳати густариши минбаъдаи ҳамкориҳо дар самтҳои гуногуни иқтисодиёт баён доштанд.