Вохӯрии Саидраҳмон Назризода бо намояндагони Департаменти тиҷоратии ноҳияи Мухтори Синтсзян- Уйғури Чин

1 ноябри соли ҷорӣ дар Вазорати рушди иқтисод ва савдои Ҷумҳурии Тоҷикистон вохӯрии муовини якуми Вазири рушди иқтисод ва савдо Саидраҳмон Назризода бо ҳайати намояндагони Департаменти тиҷоратии Ноҳияи Мухтори Синсзян-Уйғури Ҷумҳурии Мардумии Чин баргузор гардид.

Зимни мулоқот, ки дар шароити ҳамдигарфаҳмӣ сурат гирифт, ҷонибҳо атрофи масъалаҳои вобаста ба рушди ҳамкорӣ дар соҳаҳои энергетика, инфрасохтор, кишоварзӣ ва сармоягузорӣ мубодилаи афкори судманд намуданд. 

Дар анҷоми вохӯрӣ тарафҳо азми қавии худро ҷиҳати густариши минбаъдаи ҳамкориҳо байни Вазорати рушди иқтисод ва савдо ва Департаменти тиҷоратии Ноҳияи Мухтори Синсзян-Уйғури Ҷумҳурии Мардумии Чин дар самтҳои болозикр баён доштанд.