Семинар дар мавзӯи тиҷорати фарогир дар Тоҷикистон
«Тиҷорати фарогир дар Тоҷикистон – имкониятҳои нав ҷиҳати рушд ва паст кардани сатҳи камбизоатӣ» - таҳти чунин унвон 9 марти соли ҷорӣ дар Вазорати рушди иқтисод ва савдои Ҷумҳурии Тоҷикистон семинар бо иштироки намояндагони вазорату идораҳои марбутаи кишвар ва бахши хусусӣ баргузор гардид.
Чорабинии мазкурро муовини Вазири рушди иқтисод ва савдо Илёсиддин Камолиддинзода ва Роҳбари намояндагии Бонки Осиёии Рушд дар Тоҷикистон, ҷаноби Си Си Ю бо суханони муқаддимавӣ ифтитоҳ намуда, ба ширкаткунандагони семинар барору комёбӣ таманно карданд.
Сипас, иштирокчиёни мизи мудаввар дар мавзӯъҳои «Муайян намудани консепсияи тиҷорати фарогир ва намунаҳои байналмилалии тадқиқот», «Натиҷаҳои ибтидоии тадқиқоти тиҷорати фарогир дар Тоҷикистон» ва ғайра маърӯзаҳо намуданд.
Семинарро Вазорати рушди иқтисод ва савдо дар ҳамбастагӣ бо намояндагии Бонки Осиёии Рушд дар Тоҷикистон баргузор намуд.
