Таъиноти нав дар Вазорат

Имрӯз дар Вазорати рушди иқтисод ва савдои Ҷумҳурии Тоҷикистон ҷамъомад баргузор гардид, ки дар он Ёрдамчии Президенти Ҷумҳурии Тоҷикистон оид ба масъалаҳои иқтисодӣ Ҳамрализода Фаррух Маҳмуд қарори Ҳукумати Ҷумҳурии Тоҷикистон дар бораи ба вазифаи муовини Вазири рушди иқтисод ва савдо таъин гардидани Қаҳҳорзода Файзиддин Сатторро ба самъи ҳозирин расонид. 

Бояд гуфт, ки Қаҳҳорзода Файзиддин Саттор аз соли 2012 то имрӯз дар вазифаи Сардори Сарраёсати таҳлили макроиқтисодӣ, дурнамо ва ислоҳоти иқтисодии Вазорати рушди иқтисод ва савдо фаъолият мекард.