Баррасии татбиқи лоиҳаҳои муштарак

Дар доираи омодагӣ ба ҷамъомади муштараки JICA бо вазорату идораҳои соҳавӣ, ки дар назар аст 10 декабри соли ҷорӣ гузаронида шавад, имрӯз дар Вазорати рушди иқтисод ва савдо вохӯрии муовини аввали Вазир Неъматҷон Буриев бо Роҳбари намояндагии Агентии Ҷопон оид ба ҳамкории байналмилалӣ (JICA) ҷаноби Сузуки Казуя баргузор гардид. 

Тавре дар ҷараёни вохӯрӣ қайд гардид, чунин чорабинии муҳим дар Тоҷикистон бори аввал гузаронида мешавад ва дар он фаъолияти ҷории JICA ва соҳаҳои ояндаи ҳамкорӣ мавриди баррасӣ қарор хоҳанд гирифт.

Ҳамчунин, тақвияти ҳамкории судманд байни Агентӣ ва Вазорати рушди иқтисод ва савдо, ба курсҳои омӯзишии JICA бештар фарогирифтани мутахассисони ҷавон, татбиқи барномаҳои дигари муштарак аз мавзуъҳои дигари мулоқоти дуҷониба буданд.