Мукофотонидани кормандони Вазорат бахшида ба ҷашни Истиқлол
Имрӯз дар Вазорати рушди иқтисод ва савдо бахшида ба Рӯзи Истиқлолияти кишвар маросими ба як қатор кормандон супоридани мукофотҳои давлатӣ баргузор гардид, ки дар он ёрдамчии Президенти Ҷумҳурии Тоҷикистон оид ба масъалаҳои иқтисодӣ Фаррух Ҳамрализода, роҳбарияти Вазорат, кормандони Дастгоҳи марказӣ ва роҳбарони муассисаҳои тобеъ ширкат варзиданд.
Ҷаласаро Вазири рушди иқтисод ва савдо Шариф Раҳимзода бо суханони муқаддимавӣ ифтитоҳ карда, сипас ёрдамчии Президенти Ҷумҳурии Тоҷикистон оид ба масъалаҳои иқтисодӣ Фаррух Ҳамрализода фармони Президенти Ҷумҳурии Тоҷикистонро ҷиҳати мукофотонидани кормандони Вазорат қироат намуд.
Тибқи фармони мазкур роҳбари Муассисаи давлатии «Маркази миллии патенту иттилоот»-и Вазорати рушди иқтисод ва савдо Ҷамшед Қурбонов ва сармутахассиси Раёсати ҳамкориҳои иқтисодӣ Набиева Раъно бо медали «Хизмати шоиста» мукофотонида шуданд.
