Бунёди дидбонгоҳ дар МОИ «Панҷ»
29 январи соли ҷорӣ бо иштироки Вазири рушди иқтисод ва савдо, Шариф Раҳимзода, роҳбарияти Хадамоти гумруки мамлакат ва намояндагони мақомоти иҷроияи ҳокимияти давлатии вилояти Хатлон Гузаргоҳи гумрукӣ дар Муассисаи давлатии Маъмурияти Минтақаи озоди иқтисодии «Панҷ» воқеъ дар мавзеи Қарадуми ноҳияи Қумсангир ба истифода дода шуд.
Гузаргоҳи гумрукӣ дорои шароти хуби корӣ буда, пас аз обёрии заминҳо ва кашидани хатти барқ ин иқдоми навбатӣ барои ҷалби сармоягузорон мусоидати фаъол хоҳад кард. Акнун МОИ “Панҷ” расман дорои Гузаргоҳи гумрукӣ гардид, ки он дар зарфи 6 моҳ бо маблағи беш аз 303 ҳазор сомонӣ бунёд ёфтааст. Бо ба фаъолият шуруъ намудани он, техникаву таҷҳизоте, ки махсус барои инҷо ворид мешавад ва содироти молҳое, ки дар минтақаи мазкур истеҳсол мешаванд, таҳти назорат қарор мегирад. Қобили тазаккур аст, ки айни замон дар МОИ “Панҷ” 9 ширкат сабти ном шудаву корҳои бунёдӣ дар онҳо идома дорад.
