Ҷаласаи Ҳайати мушовараи Вазорати рушди иқтисод ва савдо

13 январи соли ҷорӣ дар Вазорати рушди иқтисод ва савдои Ҷумҳурии Тоҷикистон зери роҳбарии Вазир, муҳтарам Неъматулло Ҳикматуллозода ва бо иштироки Ёрдамчии Президенти Ҷумҳурии Тоҷикистон оид ба масъалаҳои иқтисодӣ Ашӯрбой Солеҳзода ҷаласаи Ҳайати мушовараи вазорат "Оид ба ҷамъбасти натиҷаҳои рушди иҷтимоию иқтисодии Ҷумҳурии Тоҷикистон ва фаъолияти Вазорати рушди иқтисод ва савдо дар соли 2019" баргузор карда шуд.

Тибқи рӯзномаи ҷаласа аз ҷониби муовини якуми Вазири рушди иқтисод ва савдо, Завқизода Завқӣ Амин маълумоти муфассал дар бораи ҷамъбасти натиҷаҳои рушди иҷтимоию иқтисодии Ҷумҳурии Тоҷикистон ва фаъолияти Вазорати рушди иқтисод ва савдо дар соли 2019 дар шакли рӯнамо пешкаш карда шуд.

Сипас аз ҷониби Раисикунанда фаъолияти роҳбарони воҳидҳои сохтории Дастгоҳи марказии вазорат ва муассисаҳои тобеъ вобаста ба самти фаъолияташон мавриди арзёбии амиқ қарор гирифта, барои кори минбаъда дастуру супоришҳои мушаххас дода шуд.