Вохурии Неъматулло Ҳикматуллозода бо намояндагони Хазинаи байналмилалии асъор

Имрӯз дар Вазорати рушди иқтисод ва савдо вохурии Вазир, Неъматулло Ҳикматуллозода бо намояндагони Хазинаи байналмилалии асъор таҳти роҳбарии хонум Падамжӣ Ханделвал баргузор гардид.

Зимни мулоқот, ки дар фазои ҳамдигарфаҳмӣ доир гашт, ҷонибҳо доир ба самтҳои ҳамкорӣ, аз ҷумла рушди макроиқтисодӣ, ислоҳоти иқтисодӣ, диверсификатсияи содирот, диверсификатсияи муҳоҷирони меҳнатӣ, масъалаҳои вобаста ба андозбандӣ ва ғайраҳо суҳбат намуданд.

Дар интиҳо тарафҳо омодагии худро ҷиҳати густариши ҳамкориҳои минбаъда баён намуданд.