08 Феврал 2019

Профитсити тавозуни пардохти Ҷумҳурии Қазоқистон дар давоми шаш соли охир

Тибқи маълумоти Бонки миллии Қазоқистон профитсити ҳисобҳои ҷории тавозуни пардохти Қазоқистон 0,9 млрд. долларро ташкил кард, ки ин маротибаи якум аз соли 2014 то ин ҷониб мебошад.

Профитсити тавозуни пардохт аз ҳисоби рушди назарраси тавозуни савдо дар сатҳи 57,9 фоиз мушоҳида гардид, ки дар маҷмӯъ 27,4 млрд. долларро ташкил дод.

Дар натиҷаи шароити мусоиди нархи нафт дар ҷаҳон содироти мол 25,2 фоиз зиёд гардида, 61,9 млрд. долларро ташкил намуд. Содироти нафт ва конденсати газ (62,2 фоиз аз ҳаҷми умумии содирот) 42,2 фоиз зиёд гардида, воридоти мол 7,5 фоиз афзоиш ёфта, ба 34,5 млрд. доллар баробар гардид.

Читать далее

Ҷумҳурии Белорус тарофаи интиқоли нафти Федератсияи Россияро баланд бардошт

Ҷумҳурии Белорус аз якуми феврал тарофаҳоро барои хизматрасонӣ оид ба интиқоли нафт тавассути қубурҳои газгузари худ баланд бардошт.

Вазорати танзими зиддиинҳисорӣ ва савдои Ҷумҳурии Белорус иттилоъ медиҳад, ки дар соли 2019 индекси тарофаҳо барои хизматрасонӣ оид ба интиқоли нафт тавассути қубурҳои магистралии воқеъ дар қаламрави ҷумҳурӣ 7,6 фоизро ташкил медиҳад.

Тибқи тартиб тарофаҳо дар асоси нишондиҳандаи миёнасолонаи индекси нархҳои истеъмолӣ, ки бо параметрҳои дурнамои рушди иҷтимоию иқтисодии Федератсияи Россия дар сатҳи 3,0 фоиз тасдиқ гардидааст, тағйир меёбанд.

Читать далее

Афзоиши сатҳи таваррум дар Ҷумҳурии Туркия

Сатҳи таваррум дар Ҷумҳурии Туркия дар моҳи январ бо назардошти баландшавии босуръати нархи маҳсулоти хӯрокворӣ афзоиш ёфт.

Тибқи маълумоти Институти омори Туркия индекси нархҳои истеъмолӣ дар Ҷумҳурии Туркия дар моҳи январ бо ҳисоби солона 20,4 фоиз зиёд гардид.

Индекси нархҳои истеъмолӣ дар Ҷумҳурии Туркия бе назардошти нархи тилло, маҳсулоти хӯрокворӣ ва қувваи барқ 19,0 фоиз афзоиш ёфт.

Читать далее

Рушди иқтисодиёти рақамӣ дар Федератсияи Россия

РИА Новости иттилоъ медиҳад, ки Сарвазири Федератсияи Россия дар форум оид ба «Масъалаҳои рақамикунонӣ 2.0» дар Алма-ато изҳор намуд, ки дар панҷ соли оянда ба Барномаи рушди иқтисоди рақамӣ дар Россия 1,8 трлн. рубл ё тақрибан 30 млрд. доллар ҷудо карда мешавад.

Инчунин қайд кард, ки дар Россия барномаи рақамикунонӣ модели миллӣ ба ҳисоб рафта, қисми маблағҳо аз буҷаи федералӣ ва қисми дигар аз сарчашмаҳои ғайрибуҷавӣ сафарбар карда мешаванд.

Читать далее

Эҳтимолияти ба таназзул дучоршавии иқтисодиёти Ҷумҳурии Федеролии Олмон

Тибқи баҳодиҳии коршиносони Deutsche Bank иқтисодиёти Ҷумҳурии Федеролии Олмон дар марзи таназзул қарор дорад.

Ҳукумати Олмон 30 январ дурнамои рушди иқтисодиёти кишварро аз нав таҷдиди назар намуда, баҳодиҳии онро дар соли 2019 нисбат ба баҳодиҳии қаблӣ аз 1,8 фоиз то 1,0 фоиз паст кард.

Коҳишёбии рушди иқтисодиёти Олмон аз ҳисоби индекси фаъолияти соҳибкорӣ дар бахши истеҳсолии кишвар мушоҳида мегардад. Тибқи маълумоти ширкати тадқиқотии «IHS Markit» дар моҳи январ нишондиҳандаи мазкур то 49,7 банди фоизӣ кам гардид.

Читать далее

Рушди иқтисодиёти минтақаи евро

Иқтисодиёти минтақаи евро дар соли 2018 дар давоми чор соли охир дар сатҳи пасттарин рушд ёфт.

Тибқи маълумоти Агентии омори Аврупо «Eurostat» иқтисодиёти минтақаи евро дар соли 2018 нисбат ба соли 2017 (2,4 фоиз) 1,8 фоиз афзоиш ёфт.

Рушди иқтисодиёти минтақа дар соли 2017-ум 2,4 фоизро ташкил дода буд, ки ин дар давоми даҳ соли охир нишондиҳандаи баландтарин ба ҳисоб меравад.

Рушди иқтисодиёти минтақаи евро дар семоҳаи чоруми соли 2018 бо ҳисоби солона нисбат ба семоҳаи сеюм 0,3 фоиз афзоиш ёфта, 0,9 фоизро ташкил намуд.

Читать далее

Кам кардани истихроҷи нафт аз ҷониби кишварҳои аъзои ОПЕК

«Вести.Экономика» иттилоъ медиҳад, ки дар кишварҳои аъзои ОПЕК моҳи январ коҳишёбии истихроҷи нафт ба қайд гирифта шуд ва онҳо қариб 80 фоизи созишнома оид ба кам кардани истихроҷро иҷро намуданд.

Бузургтарин кишвари содиркунандаи нафт Арабистони Саудӣ 450 ҳазор баррел дар як шабонарӯз истихроҷи нафтро кам кард, ки аз ваъдаи додааш қариб 30 фоиз зиёдтар аст. Аморати Муттаҳидаи Араб ва Қувайт низ истихроҷи нафтро назаррас коҳиш доданд.

Кишварҳои аъзои ОПЕК +, ки Россия низ ба онҳо шомил аст ба мувофиқа расиданд, ки дар 6 моҳи аввали соли 2019 нисбат ба нишондиҳандаи моҳи октябр таҳвили нафтро ба бозори ҷаҳонӣ дар ҳаҷми 1,2 млн. баррел дар як шабонарӯз коҳиш медиҳанд.

Читать далее
обзоры автоновинок kaps4karing.com
село ремонтное