Баҳодиҳии Ташкилоти ҳамкориҳои иқтисодӣ ва рушд оид ба вазъи иқтисодиёти ИМА, Ҷумҳурии Халқии Хитой ва савдои ҷаҳонӣ

Тибқи гузориши Созмони ҳамкориҳои иқтисодӣ ва рушд (СҲИР) бо назардошти низоъҳои тиҷоратӣ миёни ИМА ва Ҷумҳурии Халқии Хитой оид ба боҷҳои гумрукии ҷоринамуда рушди савдои ҷаҳонӣ дар соли 2020 дар сатҳи 0,4 банди фоизӣ суст мегардад.

Тақрибан нисфи содироти Хитой ба ИМА ва содироти ИМА ба Хитой дар сатҳи баланди тарофаҳо қарор дошта, ин чораҳои ҷоринамуда рушди ММД-и Хитой ва ИМА-ро ба андозаи 0,25 фоиз кам менамояд.

Дар мавриди аз ҷониби ИМА ҷорӣ намудани боҷҳои гумрукӣ ба андозаи 25 фоиз ба маҷмӯи молҳои содиротии Хитой ММД-и ин ду кишвар дар сатҳи 0,75 банди фоизӣ дар соли 2020 коҳиш ёфта, сатҳи таваррум дар ИМА 0,9 банди фоизӣ зиёд мегардад, инчунин савдои ҷаҳонӣ 1,0 банди фоизӣ коҳиш меёбад.