Сармоягузории Арабистони Саудӣ ба Ҷумҳурии Исломии Покистон ва Ҷумҳурии Ҳиндустон
Шоҳигарии Арабистони Саудӣ изҳор намуд, ки ба Ҷумҳурии Исломии Покистон 20 млрд. доллар сармоягузорӣ менамояд ва аз ҷониби кишварҳо меморандум дар соҳаи энергетика ва кишоварзӣ ба имзо расонида шуд. Тибқи гуфтушунидҳо сохтмони заводи коркарди нафт дар шаҳри Гвадар ба маблағи 10 млрд. доллар ба нақша гирифта шудааст.
Инчунин Арабистони Саудӣ мувофиқи созишномаҳои баимзорасида тасмим гирифтааст, ки нафт ва маҳсулоти нафтиро барои талоботи энергетикии Покистон бе пардохти пешакӣ ва тамдидшаванда таҳвил намояд.
Ҳамзамон Арабистони Саудӣ ба нақша гирифтааст, ки ба иқтисодиёти Ҷумҳурии Ҳиндустон беш аз 100 млрд. доллар сармоягузорӣ намояд.
Арабистони Саудӣ ва Ҷумҳурии Ҳиндустон 5 созишнома дар соҳаҳои энергетика, сохтмони манзил, технологияҳои иттилоотӣ ва сайёҳӣ ба имзо расониданд.
